花鳥日和
一番眩しい あの星の名前は 僕しか知らない

我唔会去架啦，先开学无耐就叫我选择毕业旅游路线？这部搞笑么？宜家有鬼时间去理嗰啲嘢啊，个个都喺度赶时间赶课程，我自己选修都仲修紧，除咗学分，到时仲有实习、搵嘢做，宜家就嚟讨论呢啲嘢？开咩玩笑？呢，呢，到时肯定又至话“一班人最后一次一齐出游啦，机会难得啊，第时顾住搵嘢做，大家就无咩时间聚会架啦”。唉，呢个理由，你唔嫌烦，我都嫌闷啦。再者，最重要嘅係，除咗无时间外，我真係无咁嘅闲钱去旅游咯，最低三百几都好，但係三百几都可以买只Album啦！而且要同埋晒啲我唔係好熟嘅一大棚人出游，做陪衬咩？讲到明啦，我真係唔係好合群嘅啫，唔係好中意嗰啲人，既然唔係中意啦，更何况出去玩咩，勉强无幸福噶咯，大佬~去咗又无着数嘅，唔通仲讲嗰句令人起晒鸡皮嘅“增进感情”，哟，我呢个真係唔稀罕。咁短时间增进个屁啊，唔通又话“留下大学时候or全班美好回忆”，讲真呃，我喺大学入边开心嘅嘢唔少，但係开心嘅都係与呢个班无关嘅。平时无咩特殊事件我都唔会主动同人家有拉愣。有啲时候边顾到人哋咁多啊。

所以，我唔会去噶了，唔好预我。