花鳥日和
一番眩しい あの星の名前は 僕しか知らない

其实我亦都唔係无察觉到，特别係从08年开始（即係正式饭上某人嗰年开始）我追嘅有J+人嘅多拉马就越黎越少，去年仲好滴，比较美满。于是我追嘅多拉马嘅重心亦都慢慢转向J外，毕竟就算係无J+人嘅都有好作品架嘛，有时都要多注重内容，唔可以剩係“因人而睇”。就好比听歌咁，我通常都係因为歌先真正钟意某位歌手，就算係J内嘅，我都係因为歌先至钟意嘅。不过，讲到底都係因为我想要“因人而睇”嘅嗰滴“人”比较少。谂落，我每年要追嘅多拉马有J+人嘅就集中喺S、KK、TT，偶尔TV。数落黎，我每年可以追到嘅就只有4个人，连一半都无。因为S之中嘅Nakai上剧频率唔高（佢出现喺公仔箱上面嘅时间好多就係了XD）；KK呢，我谂唔会点上噶了；TT，我谂就更加唔会上。麻将枱四个入边有三个係要去搞舞台剧，仲有一个就去开live。其实唔会点上剧嘅原因都几易谂到架，就譬如Takki，佢每年有两个舞台剧，一个係年初开始嘅革命，跟住係四月份开始嘅歌舞伎，亦即係话，冬季同春季佢就唔会得闲，秋季就开下一年革命嘅发布会跟住就要去排练，一年四个多拉马季度里面佢就只有夏季有时间，所以寻年佢先至喺夏季上剧。如果夏季无佢份嘅话，即係代表差唔多呢年都无份架啦。（呢样嘢我已经係心入边计过好多次）因此，唔计TV嘅话（其实TV要上嘅都好少），我每年可以睇到嘅就係56，阿刚，Kimura同Shingo。真係好少啊，再加上宜家竞争激烈，睇到嘅机会就更加少了，5555555……


就数我今年上半年黎讲，我追嘅多拉马入边居然无一部係有J+人嘅！本来今季万分期待Kimura嘅月九，点知雷到只鬼咁就无追落去。不过如果谂住係公仔箱上面见到更多J+人嘅话，去睇A就得啦，实睇到饱都得，至弊我做唔到，所以我生理性避开有小三以下同A嘅多拉马。所以搞到多左留意J外嘅，无论大叔级嘅定係年轻级嘅，或者干脆係女优嘅，分心了我……毕竟我想睇嘅J+人又无，我又唔想睇其他嘅，就只有睇J外嘅世界咯。之前我有同自己讲过，如果我唔再钟意KK同TT，我就会从J+毕业噶了。

我份人好古怪啊，唔够大众咯。